भांगरभूंय | प्रतिनिधी
खबरां संस्था
न्यूयॉर्कः पोलंडाच्या इगा स्वातेकान ट्युनिशियाच्या ओंस जेबुराक 6-2, 7-6 अशें हारोवन अमेरिकन ओपन टॅनीस सर्तींत बायलांचे एकोडींत वस्तादपण मेळयलें. आर्थल ऍश स्टेडियमार जाल्ले फायनींत पयले खेफ स्वातेकान यूएस ओपन किताब मेळयलो. ताच्या कारकिर्दींतलें हें तिसरें ग्रँड स्लॅम आसा. हाचे पयलीं ताणे फ्रेंच ओपनात वस्तादपण मेळयल्लें.
स्वातेकान खेळाची सुरवात चॅम्पियना भशेन केली आनी पयलो सेट 6-2 अशे सहज जिखलो. दुसऱ्या सेटांत ओंसान ताका आव्हान दिलें. मात ताका स्वातेकाचेर मात करपाक जमलें ना. 7-6 असो हो सेट जिखून स्वातेकान करंड आपल्या नांवार केलो.
स्वातेकान अदूं 38 मॅची आनी सात सर्ती जिखल्यात. एंजलली कर्बरान उपरांत स्वातेक दुसरी खेळगडी आसा जाणे एकाच सत्रां दोन ग्रँड स्लॅम करंड जिखल्यात. यूएस ओपनाचे पयलीं ताणे फ्रेंच ओपन किताक मेळयल्लो. हे फायनलीं पयलीं इगा स्वातेक आनी ओंसच चार फावट आमने- सामने आय़िल्ली. तांणी दरेकी दोन मॅची जिखून बरोबोरी केल्ली. यूएस ओपनाचे फायनलींत स्वातेंक ओंसा परस फुडें पावलां. ताचे मदीं जाल्ल्या पांच मॅचींत स्वातेकान तीन जिखल्यात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
