भांगरभूंय | प्रतिनिधी
इंदूर, खबरां संस्था: इंदूरचे ट्रान्सपोर्ट वेवसायीक राजा रघुवंशी हांचो तांची घरकान्न सोनम हिचे मुखार खून केलो. मेघालय पुलिसांच्या म्हणण्या प्रमाण, चार आरोपीं मदीं एक आशिल्ल्या विशाल चौहान हांणी फाटल्यानच्यान राजा हांचे तकलेर वार केलो. तेन्ना सोनमूय थंय हजर आशिल्ली. तिणें आरोपींक नेटान सांगिल्लें, ‘ताका मारून उडयात’
दुसरो आरोपी आकाश राजपूत दुसर्या भाड्याचे दुचाकीचेर पाळत दवरतालो. आकाश कोणूय येता काय म्हणून मार्गार लक्ष दवरून आशिल्लो. राजाक मारून उडोवचे पयलीं ताची भाड्याची दुचाकी काडून घेतली. पुलिसांनी दोनूय मोपेड सोदून काडले.
मेघालयाचे गृहमंत्री प्रेस्टोन तेनसांग हांणी, राजा रघुवंशी खून प्रकरणांत बायल सोनमाक मुखेल आरोपी करपाची तयारी सुरू आसा, कारण राजाचो खून एका कटा प्रमाण केला.
सोनमाक ट्रान्झिट रिमांडाचेर हाडटना ह्या मुद्यांचेर सविस्तर चवकशी करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
