आसगांवां मंत्री स्मृती इराणी आड काँग्रेसीचीं निदर्शनां

भांगरभूंय | प्रतिनिधी

म्हापशें : केंद्रीय मंत्री स्मृती इराणी हांणी आपल्या घरांतल्या व्यक्तीच्या नांवान आसगांवां बेकायदो बार अॅण्ड रेस्टाॅरंट सुरू करून कायदो माडिल्ला. सत्तेच्या बळग्याचेर बेकायदेशीर वेव्हार करपी इराणी हांकां मंत्रीमंडळांतल्यान भायर मारची, अशी मागणी करीत महिला काँग्रेसीन काल सांजवेळा रेस्टाॅरंटा मुखार निदर्शनां केलीं.
महिला वावुरप्यांनी इराणी आड घोशणा दिवन तांचे प्रतिमेचें दहन केलें. ह्या वेळार महिला अध्यक्ष बिना नायक हांचे वांगडा म्हापशें गटाध्यक्ष प्रतिक्षा खलप, वाळपय गटाध्यक्ष रेणुका देसाय, पेलेजिया रापोझ आनी हेर बायलो हाजीर आशिल्ल्यो.
आसगांवांचो अॅन्थनी दा गामा हांकां 17 मे 2021 दिसा मरण आयलें. 22 जूनाक तांची सय मारून परवानो नुतनीकरण केलां. मेल्ले व्यक्तीच्या नांवांन ही बनावटगिरी जाल्या, असो आरोप बिना नायक हांणी केलो.