भांगरभूंय | प्रतिनिधी
भांगरभूंय । प्रतिनिधी
शिवोलीः आशेल पंचायतींत जोडप्याक वेंचून दिवपाची पंरपरा अंदूचे पंचायत वेंचणुकेंत मतदारांनी राखून दवोरली. आदलो सरपंच प्रवीण कोचरेकार परत वेंचून आयलो जाल्यार तांची घकरान्न प्रप्ती कोचरेकार हिका लेगीत मतदारांनी वेंचून दिलें.
प्रवीण कोचरेकार सेगीत तीन फावट पंच म्हणून वेंचून आयल्यात. कोचरेकार पंगडान सरपंचपदा खातीर यत्न चलयल्यात. मात रेषल अर्पोरकार हिचे भूमिकेचेर सगलें निंबून आसतले. सात पंच वांगड्याचे हे पंचायतीर रेशर हांचे सयत सिद्धी देवानंद शिरोडकार, वैभव मयेकार, राजू बाणावलीकार आनी शर्मिला चोडणकार वेंचून आयल्या. बाणावलीकार आनी वैभव मयेकार आदले मंत्री दयानंद मांद्रेकार हाचें समर्थक आसात.
केरकार जोडपें जैतिवंत
तिसवाडी तालुक्यांतल्या खोर्ली पंचायतींत गोरखनाथ केरकार आनी सुप्रिया केरकार हें जोडपें सेगीत तिसऱ्या फावट धुळापी वाठारांतल्या वॉर्डांतल्यान वेंचून आयलां. दोगांनीय हाचे पयलीं सरपंच म्हणून काम केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
