भांगरभूंय | प्रतिनिधी
खबरां संस्था
नवी दिल्लीः संयुक्त अरब अमिरातींत (यूएई) 27 ऑगस्टाच्यान टी-20 फॉर्मेटांतल्या आशिया कप क्रिकेट सर्तीक सुरवात जातली. हे सर्तीच्या इतिहासांत दुसरे फावट टी-20 फॉर्मेटांत ही सर्त खेळयतले. हाचे पयलीं 2016 वर्सा ती जाल्ली. आतां मेरेन आशिया सर्तींत बांगलादेश आनी अफगाणिस्तान पंगडांक आपलें वर्चस्व दाखोवपाक मेळ्लें. ह्या दोनूय पंगडां मदी सनसनाटी जैताची तांक आसा. बांगलादेशान सेगीत दोन वर्सा फायनलींत प्रवेश करून खडेगांठ झूज दिल्ले. मात दोनूय फावट तांकां जैत मेळोवप शक्य जालें ना.
फॉर्मांत आशिल्ल्या अफगाणिस्तानांत पांचांतल्या चार टी-20 मॅचींत जैताची नोंद केल्या. भारतीय पंगडान आतां मेरेन 50 टक्के जैताची नोंद आपल्या नांवार केल्या. अफगाणिस्तानान पोरूंच सर्तीच्या सुपर चाराच्या निच्चांक करपी धांव संख्येन भारता कडने बोरोबोरी केल्ली. आशिया कपांत वांटेकार जावपी सगल्याच मुख्य पंगडांनी टी-20चे आतां मेरेन पांचा परस चड मॅची खेळल्यात. मात पाकिस्तान पंगड तातूंत फाटीं आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
