भांगरभूंय | प्रतिनिधी
खबरां संस्था
ब्लूमफॉन्टेनः दक्षीण आफ्रिके आडच्यो दोन वन-डे मॅची जिखून ऑस्ट्रेलियेन आयसीसी वन-डे क्रमवारींत पाकिस्तानाची पयली सुवात घेतली. डेव्हीड वॉर्नल आनी मार्नस लाबुशेन हांच्या शेंकड्यांच्या नेटार ऑस्ट्रेलियेन दुसरे वन-डेंत 123 धांवड्यांनी व्हडलें जैत मळयले. पयली वन-डे तांणी तीन विकेटींनी जिखल्ली. दुसरे वन-डेंतल्या जैता सयत ऑस्ट्रेलियेचे वट्ट 121 रेंटींग गुण जाल्यात. तांणी पाकिस्तानाक फाटीं उडयलें. 120 रेटिंग गुणान पाकिस्तान दुसरे आनी 114 रेटींग गुणान भारत तिसरे सुवातेर आसा.
पोरूं ऑस्ट्रेलियेन वन-डे क्रमवारींत आपली पयली सुवात वोगडायल्ली. तांकां 2022 वर्सा श्रीलंके आड हार खावची पडल्ली आनी इिम्बाब्वे कडल्या एक मॅचींत हार खावची पडिल्ली. ते उपरांत ऑस्ट्रेलियेन न्यूझिलंड आनी इंग्लंडाचो 3-0 अश्या फरकान हार केल्ली. मार्च 2023 वर्सा भारताक तांणी तांचें भुयेंत हारयल्लें. आतां दक्षीण आफ्रिके आडचे पयल्यो दोन मॅची जिखल्यात. पाकिस्तान सध्या आशिया कपांत खेळटा आनी अशे परिस्थितींत क्रमवारी परत बदलपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
