भांगरभूंय | प्रतिनिधी
मुख्यमंत्री : दिवचल आयटीआयक अचकीत भेट
भांगरभूंय । प्रतिनिधी
दिवचल : धाली वा आठवी पास जाल्ल्या विद्यार्थ्यांनी आयटीआयंत प्रशिक्षण घेतल्यार नोकरेची शंबर टक्के संद उपलब्ध आसा. हे खातीर ह्या केंद्रांत प्रवेश घेवप हें उणाकपण अशें समजुचें न्हय, अशें मुख्यमंत्री डॉ. प्रमोद सावंत हांणी शालांत परिक्षा निकालाचे फाटभुंयेर सांगलें. दिवचल आयटीआयक अचकीत भेट दिले उपरांत मुख्यमंत्री पत्रकारां कडेन उलयताले.
दिवचल आयटीआयंतल्यो साधन सुविधा समजून घेवपाच्या उद्देशान सोमारा मुख्यमंत्री डॉ. सावंत हांणी अचकीत भेट दिली.
उच्च कुळशटाय उदरगत मेळोवपाचे नदरेन ह्या केंद्रांत आशिल्ल्यो साधन सुविधा मदीं सुदारणा करतले. ह्या केंद्रांत 17 विवीध अभ्यासक्रम आसात आनी सुमार 500 परस अदीक प्रशिक्षणार्थी ह्या केंद्रांत प्रशिक्षण घेतात. हे खातीर ह्या केंद्रांत आशिल्ली प्रयोगशाळा अपग्रेड करचे खातीर टाटा टॅक्नॉलॉजी वांगडा कबलात केल्या. आयटीआय वेगवेगळ्या उद्देग कंपनीं कडेन टायअप केल्ल्यान रोजगाराच्यो संदी लेगीत उपलब्ध जातल्यो. ते खातीर विद्यार्थ्यांनी घरा रावनासतना लागींच्या आयटीआयंत प्रवेश घेवचो, अशें मुख्यमंत्र्यांनी सांगलें. ह्या केंद्रांत उसरां मेरेन प्रशिक्षण घेवपी स्टेनोग्रापीच्या विद्यार्थ्यां वांगडा ह्या वेळार मुख्यमंत्र्यांनी संवाद सादून तांकां मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
