भांगरभूंय | प्रतिनिधी
येलो अलर्ट जारीः गोंयांत आतां मेरेन 109.1 इंच पावस
पणजीः हवामान खात्यान आयज 6 सप्टेंबर ते शेनवार 9 सप्टेंबर मेरेन गोंयांत उटंगाराच्या पावसाची शक्यताय उक्तायल्या. ते प्रमाण ह्या चार दिसां खातीर यलो अलर्ट जारी केला. जाल्यार 10 आनी 11 सप्टेंबराक मध्यम स्वरूपाच्या पावसाची शक्यताय उक्तायल्या.
अंदूं राज्यांत मॉन्सून उसरा पावलो. जून म्हयन्यांत मात्सो पावस पडलो. ते उपरांत जुलय म्हयन्यांत पावसान नेटान हजेरी लावन तूट भरून काडली. ऑगस्ट म्हयन्यांत एल निनो चक्रीवादळाच्या प्रभावाक लागून पावसाचें प्रमाण सरासरी परस 60 टक्क्यांनी उणे जाल्ले. ऑगस्ट म्हयन्यांत फक्त 11.38 इंच पावसाची नोंद जाल्या.
पावस उणो जाल्ल्यान सध्या शेतकार हुस्क्यांत आसात. चवथी पयलीं नेटाचो पावस पडलो ना जाल्यार भात आनी हेर पिकावळींक लुकसाण जावपाची शक्यताय आसा. 1 जून ते 15 सप्टेंबर मेरेन राज्यांत सरासरी 109.1 इंच पावसाची नोंद जाल्या. हो पावस सरासरी पावसाच्या फक्त 0.3 टक्के चड आसा. फुडले कांय दीस पावस पडलो ना भात शेती तशेंच हेर पिकावळींचें लुकसाण जावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
