भांगरभूंय | प्रतिनिधी
खबरां संस्था
सिडनीः भारत आनी पाकिस्तानाचे खेळगडे एकमेकांक मेळ्ळ्यार तें कितें उलयतात? हाची जाप भारताचो कॅप्टन रोहीत शर्मा आनी पाकिस्तानाचो कॅप्टन बाबर आझमान दिल्या. ऑस्ट्रेलियेंत टी-20 वर्ल्ड कप सर्तीक सुरवात जावचे पयलीं शेनवारांक सगल्या पंगडांचे कॅप्टन एकठांय आय़िल्ले. तेन्ना जाल्ले पत्रकार परिशदेंत रोहीम आनी बाबरान ह्या प्रश्नाची जाप दिली.
बाबरान सांगलें कीं जेन्ना हांव भारतीय खेळगडे वा रोहीत शर्माक मेळटां तेन्ना ताचे कडल्यान कितें तरी शिकपाचो यत्न करता. आमी क्रिकेटीचेर काय उलयनात. रोहीत म्हजे परस व्हड आसा. ताका लागून ताचे कडेन आशिल्ल्या अणभवांतल्यान म्हाका खूब कितें शिकपा सारके मेळटा.
रोहितान सांगलें की, आमकां खेळाचें म्हत्व खबर आसा. मात सेगीत क्रिकेट विशीं उलोवन आनी स्वताचेर चेंपण हाडप रावत बरें न्हय. आमी जेन्ना एकमेकांक मेळटात तेन्ना घरा कशें चल्लां. घरचीं कशीं आसात, जीण कशी सुरू आसा. खंयची नवी गाडी विकती घेतल्या, वा नवी गाडी विकती घेतलो? अशो गजाली आमी करतात अशें रोहितान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
