भांगरभूंय | प्रतिनिधी
आदिवासी विद्यार्थ्यांक वाटलें खेळपाचें सामान
दिवचल: राज्यांतले आदिवासी विद्यार्थी, खेळगडे राष्ट्रीय पांवड्यार पर्जळचे आनी तांकां खेळां मळार उर्बा दिवपा खातीर सरकारान विशेश यत्न केल्यात. गांवगिर्या वाठारांतल्या आदिवासी भुरग्यांनी विवीध खेळां मळार वाटो घेवन, सेगीत यत्न करीत रावचे. म्हाल, राज्य, राष्ट्रीय पांवड्यार आपलें नांव करचें. सरकार ह्या सगल्या बाबतींत सहकार्य दिवपाक सदांच तयार आसा, अशें मुख्यमंत्री डॉक्टर प्रमोद सावंत हांणी सांगलें.
गोंय सरकाराच्या आदिवासी मंत्रालय खाला उत्तर गोंयच्या आदिवासी विद्यार्थ्यांक फुकट खेळाचें सामान मुख्यमंत्र्यां हस्तुकीं वाटलें. ह्या वेळार आमदार डॉ. चंद्रकांत शेट्ये, जिल्लोधिकारी अंकित यादव, शैलेश झिंगडे, शंभू घाडी, रोहन कासकार, मनोज सावयकार, गोपाळ सुर्लीकार, नगराध्यक्ष सिद्धी प्रभू, दत्ताराम चिमुलकार आनी हेर हजर आशिल्लीं.
सरकार खुबश्या मळांचेर विद्यार्थी आनी सगल्या घटकां खातीर विवीध येवजण्यो राबयलता. सरकारा आपले परीन खंयच उणें पडना. मात ह्या येवजण्यांचो योग्य मनशांक लाव मेळटना दिसना. हाचो लाव योग्य मनशांक मेळचो अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
