भांगरभूंय | प्रतिनिधी
पणजी: राजकारणांतले भिश्माचार्य अशी वळख आशिल्ले आदले मुख्यमंत्री प्रतापसिंह राणे हांचें आत्मचरित्र प्रसिद्द जातलें. तांची घरकान्न विजयादेवी राणे हांणी हे आत्मचरित्र बरयलां. तांच्या जल्मदिसा म्हणल्यार 28 जानेवारीक हे आत्मचरित्र प्रसिद्द जातलें, अशी म्हायती गोपांनी दिली.
आदले मुख्यमंत्री प्रतापसिंह राणे हांच्या नांवार बरेच विक्रम आसात. सेगीत धा खेपे वेंचून येवपाचो विक्रम तांणी केला. विधानसभा वेंचणुकेंत ते केन्नाच हारूंक नात. मुख्यमंत्री, सभापती तशेंच विरोधी पक्ष फुडाऱ्याचें पद तांणी सांबाळ्ळां. तांची व्यक्तीगत जीण, राजकारण, समाजकारण तशेंच योगदाना विशीं तांची घरकान्न विजयादेवी राणे पुस्तकांतल्यान म्हायती दितली. तांचेच मुख्यमंत्रीपदाचे कारकिर्दीत कदंब म्हामंडळ स्थापन जावन राज्याक घटक राज्याचो दर्जो मेळ्ळो. पुस्तकांतल्यान आतां तांच्या कार्याची म्हायती कळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
