भांगरभूंय | प्रतिनिधी
भांगरभूंय । खबरां मेज
पणजीः नवहिंद टायम्स आदले एनसीसी अचिव्हर्स पुरस्कारां खातीर 10 जाणांक जाहीर जाल्यात. चवगांक विशेश पुरस्कार आनी दोगांक कोवीड झुजारी पुरस्कार फावो जाल्यात. 30 नोव्हेंबराक हे पुरस्कार भेटयतले. गोंयचे नौदल ध्वजाधिकारी रिअर अॅडमिरल विक्रम मेनन इनाम भेटवण कार्यावळीक मुखेल सोयरे म्हणून हाजीर रावतले .एनसीसी बेळगांव ग्रुपाचे ग्रुप कमांडर कर्नल के श्रीनिवास हे मानाचे सोयरे म्हणून हाजीर रावतले.
आदले एनसीसी अचिव्हर पुरस्कार हिमाचल प्रदेशाचो राज्यपाल राजेंद्र आर्लेकार, अनंत जोशी, ज्येश्ठ शास्त्रज्ञ डॉ फिरोज कादर बादसाव, वेवसायीक सिद्धार्थ मेहता, गोंय सरकाराचो अधिकारी दीपक बांदेकार, खेळा मळार वावुरपी डॉ मनोज हेदे, अॅड ईशान उसपकार, पुलीस अधिकारी नेहंदा तावारीस, बँकर श्रीतमी विद्या काकोडकार आनी शिक्षण मळावयली श्रीमती मिली रॉड्रिग्ज हांका फावो जाल्यात.
उद्देजक विक्रांत प्रभुदेसाय, शूटिंग प्रशिक्षक मयूर कल्याणकर, सिनेमा मळावयले अनुज हरी प्रभू आनी शिक्षण तज्ज्ञ गोविंदराज देसाय हांकां विशेश पुरस्कार भेटयतले. श्रीमती भक्ती देविदास (गोंय पुलीस) आनी श्रीमती रुपाली पांडे (जीएमसी नर्स) हांका कोवीड झूजारी पुरस्कार फावो जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
