भांगरभूंय | प्रतिनिधी
शिंयानीच न्हय तर दर हंगामांत आडसराचें उदक पियेवप बरेंच. आडसराचें उदक कुडींत उदकाचो उणाव भरून काडना. कुडीक पोशण दिवपा खातीर तें खूब बरें. निरोगी आनी ताजेपणा खातीर आडसराचें उदक बेस्ट…!
तशेंच रगतांतली साकर उणी करपाक शकता अशें अमेरिकेच्या नॅशनल लायब्ररी ऑफ मेडिसीनांत उजवाडाक आयिल्ल्या २०१५ वर्साच्या अभ्यास अहवालांतल्यान दिसून आयलां. हे खातीर संशोधकांनी मुयांचेर प्रयोग केल्ले. हें मनशांकूय लागू जाता. आडसराचें उदक पियेवपाचे पांच फायदे जाणून घेवया.
कांतीची भलायकी सांबाळटा-आडसराचें उदक हायड्रेटेड दवरपाक आदार करता. तातूंत अँटीऑक्सिडेंट आशिल्ल्यान फायन लायन आनी त्वचेर सुरकुत्यो आडावपाक मदत करता. अँटीऑक्सिडेंट तुमची कांतीच्या लुकसाणा पसून राखण दिता. तशेंच तातूंत व्हिटामीन ई आनी सी आसता. जें कातीचे भलायके खातीर बरें.
१. किडनी स्टोना पसूस वाटायता
मुत्रपिंडांत फातर जाल्यार डॉक्टर खूब उदक पियेवपाचो सल्लो दितात. अशा वेळार थोडें आडसराचें उदक पियेवचें. ताका लागून तुमकां परत परत मुतूंक जाता आनी मुत्रपिंडांत फातर तयार करपी खनिजांचें प्रमाण उणें जाता. देखून मुत्रपिंडांत फातर जावचे न्हय आनी फातर जाल्ले आसल्यार ते लीप करपाक आदार करता.
२. पचनक्रिया सुदारता
आडसराच्या उदकांत तंतू आसतात. जे पचनक्रिये खातीर खूब फायद्याचे. तशेंच तातूंत एंझायम आसता. जाका लागून जेवण पचता. हाका लागून पोटाचे रोगूय बरे जातात.
४. इलॅक्ट्रॉलायट समतोल
आडसराच्या उदकांत पोटॅशियम, सोडियम आनी मॅग्नेशियम हांचो आसपाव आसता. हे म्हत्वाचे इलॅक्ट्रॉलायट कुडींतल्या द्रवांत समतोल दवरपाक मदत करतात. भरपूर घाम येवपी लोकांक आडसराचें उदक पियेवप फायद्याचें थारता.
५. ब्लडप्रेशराचेर नियंत्रण
हाय ब्लड प्रेशर आशिल्ल्यां खातीर आडसराचें उदक एक वरदान. आडसराच्या उदकांत पोटॅशियमाचे गुणधर्म चड आशिल्ल्यान तें सोडियमाचें समतोल दवरपाक आदार करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
