आज सांखळे, फाल्यां फोंड्यां ‘ययाती आणि देवयानी’

भांगरभूंय | प्रतिनिधी

भांगरभूंय प्रतिनिधी
पणजी: ‘ययाती आणि देवयानी’ ह्या नाटकाचे प्रयोग फाल्यां, शेनवारा, 4 जून दिसा सांजवेळा 6.30 वरांचेर रवींद्र भवन, सांखळे आनी आयतारा, 5 जूनाक सांजवेळा 6.30 वरांचेर राजीव गांधी कलामंदिर, फोंड्यां जातले.
हे निमतान साई पूर्वा आर्टस, गोंय हे संस्थेन पत्रकार परिशद घेवन ही माहिती दिली. अनंत विष्णू शेट आनी दयानंद मधुकर फडते हांचे यादीक हें नाटक सादर जातलें.
संगीत नाट्यपदांनी रंगिल्लें हें नाटक इतलें फामाद जालां की फाटलीं 56 वर्सा ह्या नाटकाचे प्रयोग गोंयांत तशेंच गोंया भायर जाल्यात. ह्या नाटकांत मुंबय, पुणे आनी गोंयांतल्या कलाकारांचो आसपाव आसा. हें नाटक विष्णू वामन शिरवाडकर हांणी बरयलां. प. जितेंद्र अभिषेकी हांणी ह्या नाटकाक संगीत दिलां. ह्या नाटकाचें दिग्दर्शन अविनाश पुर्खे हांणी केलां.
पत्रकार परिशदेंत संदीप नायक, चिदानंद मडकयकार, दिग्दर्शक अविनाश पुर्खे, महेंद्र बांदोडकार आनी विदेश मडकयकार हाजीर आशिल्ले. नाट्यमोगींनी ह्या नाटकाचो मुजरत आस्वाद घेवचो अशें आयोजकांनी कळयलां.