भांगरभूंय | प्रतिनिधी
अमरावती, खबरां संस्थाः 90 वरां कामाच्या सप्तकाचेर जावपी वादांचे फांटभूंयेर आंध्र प्रदेश सरकार बायलां खातीर घरांतल्यान काम (work from home) करपाचो नेम सुरू करपाची येवजण आंखता. मुख्यमंत्री चंद्रबाबू नायडू हांणी 11 फेब्रुवारीक ही घोशणा केली.
मुख्यमंत्री नायडू हांणी सांगलें, तंत्रगिन्यानाक लागून घरांतल्यान काम करप सोंपें जालां. कोवीड-19 महामारीक लागून काम करपाचे पद्दतींत व्हड बदल जाला. तंत्रगिन्यानाक लागून घरांतल्यान काम करप सोंपें जालां. रिमोट वर्क, कोवर्किंग स्पेस (CWS), आनी नेबरहुड वर्कस्पेसेस (NWS) सारकिल्ल्यो वेवस्था वेवसाय आनी काम करपी लोकांक चड फायदेशीर जाल्यात. तशेंच हाका लागून कामाची उत्पादकताय वाडटली.
शारांनी, गांवांनी आनी विभागांनी आयटी कार्यालयां…
ह्या उपक्रमांक लागून काम आनी जीण हांचो समतोल साध्य करपाक मजत जातली अशें मुख्यमंत्र्यांनी सांगलें. तो अर्थपूर्ण करपा खातीर राज्य सरकार येवजणेचेर काम करीत आसा. आंध्र प्रदेश आयटी आनी जीसीसी धोरण 4.0 हें ह्या दिकेन व्हडलें पावल.
आमचें सरकार दर एका शारांत, गावांत आनी विभागांत आयटी कार्यालयां स्थापन करपाक प्रोत्साहन दिता. तशेंच आयटी आनी जीसीसी कंपनींक नोकऱ्यो निर्माण करपा खातीर तेंको दितात. घरांतल्यान काम करपाचो पर्याय मेळ्ळ्यार कर्मचाऱ्यांचो आंकडो वाडटलो अशें म्हाका दिसता. हाचो खासा फायदो बायल वेवसायिकांक जातलो अशें मुख्यमंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
