भांगरभूंय | प्रतिनिधी
भांगरभूंय I प्रतिनिधी
पणजी : देशांतलो पयलोच आंतरराष्ट्रीय कुशळटाय महोत्सव 23 एप्रील ते 28 जून ह्या काळांत जातलो. ह्या महोत्सवा खातीर गोंय लेगीत केंद्र म्हूण निश्चीत केलां. महोत्सवांत नोंदणी खातीर 16 एप्रीलाची निमाणी मुजत दिल्या.
कुशळटाय विकास रोजगार आनी उद्देजका मंत्रालय, राष्ट्रीय कुशळटाय विकास म्हामंडळ आनी लॅरीन टेक स्कील युनिव्हर्सिटी हांच्या जोड पालवान ह्या महोत्सवाचें आयोजन केलां. हो महोत्सव विवीध टप्प्यांनी विवीध राज्यांनी जातलो. तातूंत आतां गोंय लेगीत केंद्र म्हूण निश्चीत जालां. भारतांतले तरणाट्यांक अमेरिका, कॅनडा, इंग्लंड, जपान, ऑस्ट्रेलिया, न्यूझीलंड ह्या देशांनी लॉजिस्टीक, उत्पादन, भलायकी, कृशी, पर्यटन, इलेक्ट्रॉनिक्स, बांदकाम अशा क्षेत्रांत रोजगाराची संद उपलब्ध करून दिवपाच्या हेतान केंद्र सरकारान ह्या महोत्सवाचें आयोजन
केलां.
मजगतीं, गोंयांतले तरणाटे विदेशांत नोकरी करपाक कायम इत्सूक आसतात. तांचे खातीर हो महोत्सव म्हत्वाचो थारतलो. महोत्सवाचें केंद्र गोंयांतूच आशिल्ल्यान गोंयकार तरणाट्यांक महोत्सवाचो लाव घेवप सोंपें जातलें.
इत्सुकानी https://www.kaushalmahotsav.nsdcdigital.org/International/Candidate/ हे वेबसायटीचेर जावन नोंदणी करची, अशें आवाहन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
