भांगरभूंय | प्रतिनिधी
वडोदराः गुजरातांत वडोदरा हांगा खेळयिल्ले आंतरराज्य टी-20 क्रिकेट सर्तीचे निमाणें मॅचींत गोंय पुलिसांनी गुजरांत पुलीस पंगडाक 4 विकेटींनी हारोवन वस्तादपण मेळयलें.
गोंय पुलिसांनी पयलीं टॉस जिखून गुजराताक बॅटींग करपाक आपयले. गुजरांत पुलिसांनी निर्धारीत 20 ओवरींनी 5 विकेटी वगडावन 167 धांवड्यो केल्यो. गुजरात पुलिसा वतीन निरव पांचाळ 48, कार्तिकसिंग जडेजा 30 जाल्यार मुखेली प्रियंक बरांदान 22 धांवड्यांचें योगदान दिले.
गोंय पुलिसा वतीन अविनाश गवस हांणी 24 धांवड्यांत 3 विकेटी बाद केले. जाल्यार अपाली कळंगूटकार आनी संजय नायक हांणी दरेकी 1 विकेट घेतली.
प्रत्युत्तरांत खेळटना गोंय पुलिसांनी 18.2 ओवरींनी 6 विकेटी वगडावन मॅच जिखली. गोंय पुलिसा वतीन अविनाश गवस 33, समर्थ गवस 37 जाल्यार चंद्रकांत घाडी हांणी 30 धांवड्यो केल्यो.
गुजरात पुलिसा वतीन मोहीम गोरानियान 3 जाल्यार नितेश ओदे, कृष्णा वाला, कार्तिकसिंग जडेजा हांणी दरेकी एक विकेट घेतली. अविनाश गवस हाका अश्टताशी खेळगडो म्हूण मॅन आॅफ द मॅच पुरस्कार भेटयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
