भांगरभूंय | प्रतिनिधी
शिक्षण खात्या कडल्यान परिपत्रक जारी
भांगरभूंय I प्रतिनिधी
पणजी :आपल्या वाठारांतली उण्यांत एक अांगणवाडी माध्यमीक वा उच्च माध्यमीक विद्यालयांनी जापसालदारकी (दत्तक) घेवची, अशें सरकाराचे यत्न आसात. हे विशींचें परिपत्रक शिक्षण खात्यान जारी केलां. आंगणवाडींत येवपी भुरग्यांची वेवस्था जावची, तांकां योग्य सुविधा मेळच्यो, हे खातीर आंगणवाडी दत्तक घेवपाचें आवाहन शिक्षण खात्यान केलां.
हे विशीं मुख्याध्यापकांनी वेवस्थापना कडेन चर्चा करून आंगणवाडीची म्हायती धाडची. ही म्हायती 5 ऑगस्ट मेरेन धाडप गरजेचें. हो फॉर्म लेगीत शिक्षण खात्यान परिपत्रका सयत धाडला.
राज्यांत 1,262 आंगणवाडी आसात. 400 परस चड आंगणवाडी भाड्याच्या जागेंत चलतात. राज्यांत आनीक 60 आंगणवाडींक मान्यताय मेळ्ळ्या. हाका लागून आंगणवाडींचो आंकडो वाडून तो 1,322चेर पावतलो. आंगणवाडींक स्वतंत्र जागो नाशिल्ल्यान भुरग्यांक सुविधा मेळनात. भुरग्यांक सुविधा दिवपा खातीर आंगणवाडी लागसारच्या विद्यालयांनी दत्तक घेवच्यो अशें यत्न आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
