भांगरभूंय | प्रतिनिधी
अंदूंच्या हंगामांत संवसारांतल्या सगल्याच भालो फेक खेळगड्यांक उत्कृश्ट कामगिरी करपाक जमूंक ना. ताका लागून पॅरीस ऑलिम्पिकांत सगल्याच खेळगड्यांक पदक जिखपाची संद आसतली. ऑलिम्पिकांत वांटेकार जातना खर चेपण आसतलें. ताका लागून फाटले आंकडेवारीचेर नदर मारून पदकाची आस्त बाळगूवप चुकीचें थारतलें अशें स्पश्ट मत भारताचो भालो फेक खेळगडो नीरज चोपडाचो प्रशिक्षक क्लावस बार्टोनिट्झ हांणी म्हणलां.
बार्टोनिट्झान नीरज चोपडाचे तंदुरुस्ती विशीं लेगीत मत उक्तायलें. ताणें म्हणलें, नीरज चोपडा तंदुरुस्त आसा. आमी तयार केल्ले येजवणे प्रमाण सगलें कितें योग्य रितीन चालू आसा. ऑलिम्पिका मेरेन तें अशेंच चालू उरपाक जाय.
सध्या दिसाक दोन सराव सत्रांत मेहनत घेवप चालू आसा. एक सराव सत्र सकाळीं आनी दुसरें सराव सत्र सांज वेळार घेतात. उडी मारप, धांवप, वेटलिफ्टींग, थ्रो अशा टप्प्यात आमचो सराव चालू आसा अशें ताणें मुखार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
