भांगरभूंय | प्रतिनिधी
अॅलेना रिबाकिनान विम्बल्डन सर्तीच्या बायलांच्या एकोड्या गटांतलें वस्तादपण जोडलें. फायनलींत तिणें ट्युनिशियाचे ओन्स जेबुराक 3-6, 6-2 आनी 6-2 अशा तीन सेटांनी हारयली. पॅत्रा क्वितोव्हा उपरांत विम्बल्डन सर्त जिखपी रिबाकिना दुसरी सगल्यांत युवा खेळगडी थारली.
विम्बल्डन सर्त जिखपी ती कझाकिस्तानाची पयली खेळगडी थारली. तशेंच ट्युनिशियाची 27 वर्सां पिरायेची जेबुर ही विम्बल्डनाचे फायनलींत खेळपी अरब आनी आफ्रिकन देशांतली पयली बायल खेळगडी थारली.
रिबाकिना ही रशियेंत जल्मल्ली आनी अजून मॉक्सोंत रावता. रिबाकिना अलेक्झांडर बुब्लिक आनी युलिया पुतिन्त्सेवा ह्या खेळगड्यांच्या स्ट्रिंगचो भाग आसा. जे खेळगडे कझाकिस्ताना खातीर खेळटात.
पयलो सेट जिखल्या उपरांत जेबुराक बरो खेळ करपाक जमलो ना. उपरांतचे दोनूय सेट तिणें वगडायले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
