भांगरभूंय | प्रतिनिधी
मुंबय, खबरां संस्था: बी आर चोप्रांच्या महाभारतांत कर्णाची भूमिका अज्रंवर करपी अभिनेते पंकज धीर आयज भायर पडले. कॅन्सरान तांकां मरण आयलें. तांचे फाटल्यान पूत आनी सून आसात. पूत निकितिन फिल्म इंडस्ट्रींत काम करता, सून कृतिका सेंगर ही अभिनेत्री आसा.
पंकज धीर हांकां कॅन्स जाल्लो. मात ते दुयेंसा कडेन बर्याच धिरान लढले आनी बरेय जाले. मात उपरांत तांची भलायकी परत इबाडली. कॅन्सराक लागून तांचेर व्हड शस्त्रक्रियाय जाल्ली. तांच्या मरणाक लागून सोशल मीडिया, टीव्ही इंडस्ट्रींत दुख्ख पातळ्ळां.
1988 वर्सा प्रदर्शीत जाल्ल्या ‘महाभारत’ हे मालिकेंत तांकां बरीच नामना मेळ्ळीं. तांणी कर्णाची भूमिका केल्ली. टीव्ही शो वांगडा तांणी चित्रपटांनीय काम केलां. ते चंद्रकांता आनी द ग्रेट मराठा अश्या जायत्या मालिकांचे भाग आशिल्ले. सोल्जर, बादशाह आनी सडक अश्या चित्रपटांनी पंकज हांणी काम केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
