भांगरभूंय | प्रतिनिधी
भांगरभूंय । खबरां मेज
पणजी- अखील भारतीय विद्यार्थी परिशदेचो (अभाविपी) दक्षीण गोंय फांटो आनी जिज्ञासा गोंय हे संघटने वतीन फाटल्या आयतारा चंद्रेश्वर- भूतनाथ पर्वतार द्रव्यगुण मोहीम आयोजीत केल्ली. तातूंत द्रव्यगुण तज्ज्ञ डॉ नागराज सामगा हांच्या मार्ददर्शना खाला पर्वत वाठारांतल्या तरेकवार वखदी झाडांची म्हायती विद्यार्थ्यांक दिली.
हे मोहिमेंत राज्यांतल्या वेगवेगळ्या म्हाविद्यालयांतले 80 विद्यार्थी आनी स प्राध्यापकांनी वांटो घेतिल्लो. सैमान आमकां दिल्ले साधन संपतींत वखदी झाडांक चड म्हत्वाची सुवात आसा अशें सामगा हांणी सांगलें. अभाविपी जिज्ञानासाच्या माध्यमांतल्यान आयुर्वेद लोकां मेरेन पावोवपाचें काम करता अशें दक्षीण गोंय संयोजक पवनराज सावंत देसाय हाणे सांगलें. विद्यार्थ्यांनी मनात राष्ट्रभाव तयार करून समाजा खातीर काम करपाक जाय अशें अभाविपीचो गोंय संघटन मंत्री गोविंद देशपांडे हांणी सांगलें.
कार्यावळींत अभाविचो अक्षय शेट, अवनी शिदे, रवींद्र गुरव, सर्वेश तलवडकार आनी हेर वावुरपी वांटेकार जाल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
