भांगरभूंय | प्रतिनिधी
आशिया करंड क्रिकेट सर्तींत आयज ब गटांत अफगाणिस्तान आनी बांगलादेश ह्या पंगडां मदीं हांगाच्या शारजा क्रिकेट स्टेडियमाचेर मॅच जातली. मोहम्मद नबीच्या फुडारपणाखाला खेळपी अफगाणिस्तानान सर्तीचे उक्तावणाचे मॅचींत श्रीलंके आड जबरदस्त जैत जोडपी अफगाणिस्तानाचो आत्मविस्वास वाडला. आयची मॅच जिखून बाद फेरयेंतली सुवात निश्चीत करपाची संद आसा.
अफगाणिस्तानाची रन रेट बरी आसा. ताका लागून सुपर चारांत पावपाची ताची संद लागीं लागीं निश्चीत आसा.
दुसरे वटेन बांगलादेश आशिया करंड सर्तींत पयली मॅच खेळटलो. मुखेली शाबिक अल हसनाच्या फुडारपणाखाला खेळपी बांगलादेश जैत जोडपाक इत्सूक आसतलो. बांगलादेशाक पाकिस्तान, वॅस्ट इंडिज आनी झिम्बाब्वे आडच्या माळांनी हार घेवची पडल्या. ताका लागून जैताची गाडी रुळाचेर हाडपाचो ताचो यत्न आसतलो.
शारजा क्रिकेट मैदानाची खेळपट्टी सदांच बॅट्समनां खातीर उपेगी मानतात. पोरूं एके मॅचींत 180 परस चड स्कोर जाला. ह्या मैदानाचेर आतां मेरेन 25 टी-20 मॅची जाल्यात. पयलीं बॅटींग करपी पंगड 16 खेपे आनी उपरांत बॅटींग करपी पंगड 9 खेपे जिखला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
