भांगरभूंय | प्रतिनिधी
दरेकल्याक खूब पयशे आसचे, जाका लागून बरी जीण सारची आनी भुरग्यांक बरो फुडार दिवचो अशें दिसता. पूण अशी इत्सा सगळ्यांचीच पुराय जायना. कांय मेजक्याच लोकांच्या नशिबांत गिरेस्तकाय आसता आनी ते गिरेस्त जाताय. कांय जाण कोटी- अब्जांची लॉटरी जिखता, तर कांय जाणांक खंय तरी खजिनो मेळटा. पूण आयज आमी उलयतात त्या मनशाक लॉटरी लागूंक ना आनी खजिनोय मेळूंक ना. पूण तो एकाच झटक्यान अब्ज डाॅलरांचो धनी जातलो हें निश्चीत.
खरें म्हणल्यार, फामाद हर्मीस फॅशन हावजाचो वारसदार निकोलस पुएच हाणें हालींच आपल्या माळीक (बागेचें काम करपी) कायदेशीर रितीन दत्तक घेवपाचो निर्णय घेतला आनी आपलें ११ अब्ज डॉलर म्हळ्यार ९१ हजार कोटी रुपयां परस चड संपत्ती ताचे सुवादीन करपाचें जाहीर करून संवसाराक धक्को दिलो. ऑडिटी सेंट्रल ह्या संकेतथळाच्या अहवाला प्रमाण ८१ वर्सां पिरायेचो पुच लग्न जावंक ना आनी ताणें आदीं भुरगें दत्तकूय घेवंक ना. स्वित्झर्लंडांतल्या गिरेस्त लोकांमदीं ताची गणना जाता, ताची संपत्ती १०.३ ते ११.४ अब्ज डॉलर आसा.
ताचो माळी मोरोक्कोच्या घराण्यांतलो. ताचें लग्न स्पॅनिश बायले कडेन जालां आनी तांकां दोन भुरगीं आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
