भांगरभूंय | प्रतिनिधी
-सुरवातीक अडेज हजार विद्यार्थ्यांक दितले आहारपणजीः विद्यार्थ्यांक माध्यान्ह आहार (मदले सुटयेंतलें खाण) दिवपा खातीर वेंचून काडिल्ली बंगळुरूंतली ‘अक्षयपात्र’ ही एनजीओ 1 एप्रील सावन सेवा दिवपाक सुरवात करतली. बुधवारा आमच्या प्रतिनिधी कडेन उलयतना शिक्षण संचालक शैलेश जिंगडे हांणी ही संस्था सुरवेक राज्यांतल्या 2,500 विद्यार्थ्यांक माध्यान्ह आहाराची वेवस्था करतली अशी म्हायती दिली.
प्रलंबीत बिलां आनी हेर कारणांक लागून कांय थळाव्या आपमजत गटांनी विद्यार्थ्यांक माध्यान्ह आहार दिवपाक न्हयकार दिल्लो. ते खातीर सरकारान हे खातीर निविदा जारी केल्ली. ते प्रमाण ‘अक्षयपात्र’, ‘स्त्रीशक्ती’, ‘घनश्याम सेवा समिती’, ‘केंद्रीय भंडार मुंबय’ आनी ‘नॅशनल फेडरेशन ऑफ फार्मर्स’ अशीं पांच एनजीओ पात्र थारलीं. निमाणें बेंगळुरूंतल्या ‘अक्षयपात्रची’ निवड जाली. निवड जाले उपरांत एक वर्स जालें तरी ‘अक्षयपात्र’ हांणी अजून सेवा सुरू करूंक ना. पांच हजार विद्यार्थ्यांक माध्यान्ह अाहाराची वेवस्था करपा खातीर रांदची कूड आनी हेर कामां खातीर कांय म्हयने वेळ दिवपाची विनवणी संघटणेन केल्ली. ते प्रमाण शिक्षण खात्यानय हे संस्थेक मुजत दिल्ली. निमाणें आतां संस्थेन 1 एप्रील सावन 2,500 विद्यार्थ्यांक माध्यान्ह आहार दिवपाचो निर्णय घेतला. तशेंच खंयच्या वाठारांनी विद्यार्थ्यांक अक्षयपात्राचो माध्यान्ह आहार दितले हाचे विशीं फुडल्या कांय दिसांनी निर्णय घेतले अशें झिंगडे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
