भांगरभूंय | प्रतिनिधी
नेपाळचे उपराष्ट्रपती प्रेमानंदा झा हांचे हस्तकीं भेटयलो पुरस्कार
केरी-सत्तरी, प्रतिनिधी: केरी- सत्तरीच्या अंकिता तुकाराम माजिक हाका ’आंतरराष्ट्रीय मानवता पुरस्कार’ फावो जालो. काठमांडू नेपाळ हांगा जाल्ले कार्यावळीक हो पुरस्कार तिका नेपाळचे उपराष्ट्रपती प्रेमानंदा झा हांचे हस्तकीं भेटयलो.
अंकिता माजीक हाका कला, शिक्षण,संस्कृती आनी खेळ ह्या प्रकारांतल्यान गोंय राज्याक भरतनाट्यम नाचांत प्रतिनिधित्व करतना हो पुरस्कार फावो जालो. पुष्परत्न बहुउद्देशीय संस्था, इमेज इंटरनॅशनल ऑनलायन रिसर्च सेंटर आनी गांधी शांती फावंडेशन,नेपाळ हांचे वतीन हो पुरस्कार भेटयलो.
ह्या वेळार संवसारीक शांती फावंडेशनाचे संस्थापक आनी अध्यक्ष गुरु लामा घ्याचो रिम्पोचे, जी.पी.एफ.एनचे संस्थापक, अध्यक्ष डॉ. लाल बहादूर राणा, मुद्धिम विद्यचे डॉ.चंद्रकुमार सर्मा आनी बुद्धीस्ट स्टडीएचे सहाय्यक प्राध्यापक डॉ. चंद्रकला घिमिरे हाजीर आशिल्ले.
अंकिता माजीक हें भरतनाट्यमांत फिशाल आसा. ताका कॉमनवेल्थ सोसायटीचो उत्कृश्ठ आंतरराष्ट्रीय नृत्यगणा पुरस्कार मेळ्ळा. तशेंच जायते राष्ट्रीय आनी गोंय राज्याचे पुरस्कार फावो जाल्यात. आमदार डॉ. देविया राणे हांणी ताका परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
